«Дарын Fest»

Бүгін мектебіміз ерекше мерекелік көңіл күйге бөленді — «Дарын Fest» дарындылар шеруі өтті . Бұл күн бірінші жартыжылдық бойы тынымсыз еңбектеніп, білім мен өнерде, шығармашылықта биік жетістіктерге жеткен оқушыларымызды ұлықтауға арналды

Сахна төрінде жетістікке жеткен әрбір шәкірттің еңбегі лайықты бағаланып , мектеп басшысы Жамулдинова Ж.И. жүрекжарды құттықтауын білдіріп , дарынды оқушыларға дипломдар мен сыйлықтарды салтанатты түрде табыстады

Игі бастамаға қолдау білдіріп , іс-шараның жоғары деңгейде өтуіне үлес қосқан спонсорларымызға шынайы алғысымызды білдіреміз . Сіздердің қаржылай қолдауларыңыздың арқасында дарынды шәкірттеріміз қуанышқа бөленіп , бұл күн олар үшін үлкен шабыт пен сенім сыйлаған ерекше сәтке айналды

«Дарын Fest» — бұл жай ғана марапаттау емес,

бұл — арманға сенім,

еңбекке құрмет,

ал дарынға — үлкен жол!